En la vischnanca da Sursaissa/Mundaun datti ina nova punt tranter St. Martin e Friggahüs. La punt Lochlitobel, construida il 1959 è mo 3,1 meters lada. Perquai na pon ins betg rumir la naiv sin quella cun vehichels che l'Uffizi da construcziun bassa dovra. La nova punt vegn 4,2 meters e construida uschia ch'ella po tegnair 32 tonnas.
Schlargiar tut la via
Sco che la regenza scriva, duai en il rom dal project vegnir schlargiada l'entira via tranter Friggahüs e St. Martin sin 4,2 meters. Il nov trassé da circa 150 meters suonda principalmain la via da Sursaissa dad oz e sa chatta en il sectur ordaifer il vitg. Nua che quai è necessari, vegnia il corpus da la via schlargià oravant tut da la vart da la val.
La regenza grischuna ha approvà 2,17 milliuns francs per l'entir project.