Siglir tar il cuntegn

Header

cuntegn

Sursaissa Recurs cunter zona d'hotel renvià da la Dretgira administrativa

La Dretgira administrativa dal chantun Grischun ha renvià il recurs da la Protecziun da la patria pertutgant la revisiun parziala da la planisaziun locala en la vischnanca Sursaissa Mundaun. En il center dal recurs stat ina zona per bajegiar in hotel cun in center da sanadad ed in forum da cultura.

Avant 15 onns aveva la vischnanca da Sursaissa stgaffì las premissas da pudair bajegiar in hotel cun in center da sanadad ed in forum da cultura a Miraniga. Quai cun crear ina zona d'hotel, sanadad e cultura ch'aveva ina scadenza da 10 onns. Curt avant che quels 10 onns èn scadids ha la radunanza communala decidì il zercladur 2020 in'ulteriura revisiun parziala cun, tranter auter, ina nova scadenza da tschintg onns. Quella revisiun aveva il chantun lura approvà.

Hotel Vital in Miraniga
Legenda: Studi per in hotel cun center da sanadad e forum da cultura. Quest project ha suenter la revisiun parziala l'onn 2020 fatg plaz ad in auter project en furma d'in abitadi gualser. Bohraus Planung & Architektur AG

Encunter questa decisiun ha la Protecziun da la patria fatg il settember 2021 recurs tar la Dretgira administrativa dal chantun Grischun. La dretgira ha ussa renvià il recurs. La decisiun latiers ha ella publitgà glindesdi ils 8 da matg. 

Ludmila Seifert da la Protecziun da la patria ha ditg envers RTR ch'ins acceptia la decisiun e na vegnia betg a trair vinavant quella.

audio
Per tadlar curt e cumpact
ord RTR Audio dals 10.05.2023.
laschar ir. Durada: 1 minuta 12 Secundas.

RTR novitads 06:00

Artitgels legids il pli savens