L’acziun dal SPAR da Mustér, da far in album cun uniuns indigenas è lantschada. Quella acziun duai cuzzar 10 emnas. Sco quai che Fredy Caminada il manader da la stizun SPAR da Mustér ha ditg ad RTR, datti en quest album 660 maletgs da quai da var 500 purtrets da commembers da las uniuns.
-
Bild 1 von 5. Las junioras da la Cadi en las emprimas che han survegnì ils albums. Bildquelle: RTR, Linus Livers .
-
Bild 2 von 5. L’emprima fotografia vegn tatgada en l'album. Bildquelle: RTR, Linus Livers .
-
Bild 3 von 5. Nua sun jau? Nua è mia sora? L'album fascinescha. Bildquelle: RTR, Linus Livers .
-
Bild 4 von 5. L'album cun 129 paginas. Bildquelle: RTR, Linus Livers .
-
Bild 5 von 5. Ils juniors Cadi han survegnì per mintga gol ch'els han fatg in pachet fotografias sco regal. Bildquelle: RTR, Linus Livers .
La dimensiun da quai album è cun 129 paginas, il pli grond album ch’è vegnì producì da l’agentura Tomorrow da Rotterdam, ed el ha custà da quai da 25‘000 francs. Quai è sta pussaivel da far, mo grazia al sustegniment da bleras fatschentas indigenas, ha Fredy Caminada sincerà.
En tut datti 1500 albums ed en quellas 10 emnas quintan ins da pudair reparter 330‘000 maletgs. La finala èsi previs da far encunter la fin da questas 10 emnas in sort bursa da barattar maletgs. Ils emprims albums plains vegnan premiads.