Legenda:
La scola integrada fa part da la scola populara en il Grischun.
Keystone
cuntegn
Surselva - 3 onns scola integrada - in model da success?
Funcziunescha l’integraziun d’uffants cun difficultads d’emprender u cun impediments en classas normalas? Dapi l’onn 2013 è la scola integrativa ina part da la scola populara en il Grischun. Vuschs criticas aveva quai dà intginas e la sceptica era gronda.
Persunas cun il sindrom da Down han trais giadas il cromosom 21, enstagl mo duas giadas. Savens han questas persunas ina flaivlezza musculara e radund 30% da las persunas han difficultads cul cor. Vinavant han las persunas problems cun il magun u il begl, in disturbi da la vesida, dal sistem d’immun u da l’udida.
Per famiglias cun in uffant cun impediments po il sistem esser in grond levgiament. «La scola populara é betg uniforma, ins na duess betg far ina selecziun uschè baud», quai di Arno Berther da Sedrun. Il fegl dal giurist, Ramun Berther ha il sindrom da Down. Gia dapi la scoletta è il giuven da 12 onns integrà en la scola dal vitg.
Era Lea Berther, la mamma dal giuven, ch’è sezza scolasta curativa, è persvada dal sistem. Ma tuttina di ella: «Betg per mintga pretsch avessan nus vuli trametter Ramun en la scola populara. Tuts ha stuì esser d’accord.»
Fin ussa, Ramun Berther è en la 6avla classa, ha quai funcziunà.
La scola integrada è en ina fasa fitg nova, bleras chaussas organisatoricas na ston ins anc per definir co ellas duajan funcziunar, quai di Vigeli Jacomet, inspectur da scola da la Surselva. Per exempel n’è anc betg cler sche Ramun po ir vinavant en la scola cura ch’el vegn ella scola superiura. Ils 21 da mars è il di internzaiunal da «Trisomie 21».
Möchten Sie diesen ergänzenden Inhalt laden?
Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr
Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.
Ulteriur exempel - Integraziun en scola il 2013
L'integraziun en scola da persunas cun Trisomia 21 è stà tema da l'emissiun Cuntrasts «Tia Scola è era mia scola - Integraziun per tut pretsch?» d'avant dus onns e mez.
