-
Bild 1 von 5. Las vias e giassas a Siat han tuttas in num. Bildquelle: RTR, Linus Livers .
-
Bild 2 von 5. Mintga chasa ha in nov numer. Bildquelle: RTR, Linus Livers.
-
Bild 3 von 5. La tavla blaua scrit alv croda en egl. Bildquelle: RTR, Linus Livers.
-
Bild 4 von 5. Sper las bleras infurmaziuns datti ussa da nov era las tavlas blauas cun ils nums da las vias a Siat. Bildquelle: RTR, Linus Livers .
-
Bild 5 von 5. Las tavlas en marcantas en il vitg da Siat. Bildquelle: RTR, Linus Livers .
Quest project naziunal ch'ha cumezà il 2012 en il Grischun leva il chantun pudair terminar quest onn. Ussa mancan però anc 9 vischnancas che n'han anc fatg nagur en chaussa. Var 30 vischnancas sa chattan anc en la fasa da realisar il project.
Per Hans-Andrea Veraguth il geometer chantunal e maina project èsi sta cler a partir da l’entschatta, ch’i pudess vegnir grev da realisar il project en tut las vischnancas. L’autonomia da vischnancas en il Grischun lubescha numnadamain a las vischnancas da decider sezzas en questa chaussa.
Termin vegn prolungà fin il 2019
Las vischnancas che n'han anc betg lantschà il project vegnia il chantun franc er da persvader, manegia Veraguth. La confederaziun ha prolungà il termin per realisar quest project da Swisstopo fin il 2019.
L’idea fundamental dal project da Swisstopo è, che tut quai ch'ha da far cun adressas saja en ils mauns da la confederaziun. Ils custs per il project muntan a var 2 milliuns francs en il Grischun. Da quai surpiglia la confederaziun 30%.
Passa 8'000 vias e lur nums
En il Grischun dat quai tenor il register da la Posta da quai da 8'201 vias. Ils nums ils pli derasads pon ins vesair sin la grafica qua speras. Pli gronda che la scrittira è e pli savens chi dat quai num da via en il Grischun. Variantas sco «Quadras» e «Quadra» vegnan tractadas dapersai.
Mo era auters nums dat quai savens:
Winkelstrasse, Winkelgasse ni Winkel (17 giadas), Vitg (15 giadas), Veglia (12), Unterdorf/strasse (17 giadas), Tobelweg ni -strasse (9 giadas), Sutvitg ni Sut vitg (10 giadas), Sumvitg, Sumvei ni Sumvoi (13 giadas), Stradun ni Stradon (14 giadas), Staziun (25), Baselgia ni Baselga (17 giadas), Scola ni Scoula (17 giadas), Quadra ni Quadras (25 giadas)
RR actualitad 12:00