Uschia vul ins sviluppar l’interess per l’istorgia da la citad da Glion tar la giuventetgna. La scola superiura da Rueun è sa declerada pronta da testar quest’app. Ils scolars da Rueun han bain ludà, dentant era crititgà l’app.
Creada per la giuventetgna
![Purtret da Rino Caduff il president da la societad Anna Catrina](https://www.rtr.ch/static/cms/images/960w/8a21f3.jpg)
L'app saja interessanta, mo ins stoppia leger memia bler, han constatà ils scolars. Rino Caduff, il president da la societad Anna Catrina, è leds da questa critica. Il test cun la scola da Rueun vegnia uschia a meglierar l’app.
L’entir viadi cun l’app tras la citad veglia da Glion dura tranter 30 e 40 minutas. Sin quest viadi informescha l'app sur da differents stgazis da la citad da Glion. La finamira da l’app è dentant da manar las persunas tar in stgazi da munaida ch'i dat vairamain – dapli na vegn betg tradì.