Siglir tar il cuntegn

Header

In luf.
Legenda: Ils lufs en puspè activs en parts da la Surselva. Keystone
cuntegn

Surselva Attatgas da lufs s'augmentan puspè

A Val Son Pieder hai dà ils davos dis trais attatgas da lufs – cun 15 nursas stgarpadas. A Medel han ins dumbrà duas attatgas cun 13 nursas stgarpadas.

Domaduas muntaneras èn protegidas cun chauns da protecziun. Sche las attatgas actualas han da far cul fatg ch’ils lufs han chagniels, n’ha Hannes Jenny, il substitut dal manader da l'Uffizi da chatscha e pestga betg pudì confermar a RTR. Enfin ussa n'hai dà naginas annunzias u observaziuns da lufs pitschens.

Pli ruassaivel il davos temp

Ch’igl ha dà ina pausa d’attatgas da lufs sin animals da niz durant il matg e zercladur – ha da far cun la midada dals animals davent da las pastgiras da chasa sin las pastgiras d’alp. Cur ch'ils animals da chasa midan lur territori, ston era ils lufs s’orientar da nov.

Vitiers vegn ch’ils chavriels ed ils tschiervs partureschan lur pitschens durant il matg e zercladur, uschia ch’ils lufs vegnan pli tgunsch vid preda da la selvaschina.

RTR novitads 12:00

Artitgels legids il pli savens

Scrollar a sanestra Scrollar a dretga