-
Bild 1 von 5. Gruppa da teater d'affons Mustér. Bildquelle: Johann Clopath.
-
Bild 2 von 5. Gruppa da teater Valendau. Bildquelle: Johann Clopath.
-
Bild 3 von 5. Gruppa da teater d'affons Mustér. Bildquelle: Johann Clopath.
-
Bild 4 von 5. Pulcinella TI. Bildquelle: Johann Clopath.
-
Bild 5 von 5. Collectif Oz (Lausanne). Bildquelle: Johann Clopath.
Fatschas rientas
Els hajan gì blera lavur, mo sche la glieud di, donn ch’igl è schon passà ed ins vesia fatschas rientas; alura saja quai la paja ch’els survegnian.
Martina Beeli n'ha dentant betg pudì dir quantas persunas che hajan guardà las producziuns da teater. Ella suppona ch’i saja stà tranter 200 e 300 persunas tar mintgina da las nov producziuns. Surtut en clavà saja quai stà mintgamai plain glieud.
Specialitads sursilvanas
In punct culminant saja stà sonda a l’avertura, cura che la musica haja accumpagnà ils preschents si en il chastè d’Aspermont, nua ch’i ha dà l’aperitiv.
Ma era las spaisas sursilvanas han attratg. Tranter auter han ins pudì giudair sonda saira ina tschaina da ravieuls, maluns ubain capuns.
Lioms cun autras gruppas da teater
Per la presidenta dal comité d’organisaziun restan ils lioms cun las gruppas da teater, surtut cun las gruppas rumantschas. E forsa saja quai pussaivel d’organisar in di insatge communal en il sectur dal teater popular.
RR actualitad 08:00