Era senza il parc Adula na possian els betg chatschar il chau en il sablun. Els stoppian lavurar vinavant. Ina consequenza dal na al parc saja che la vischnanca n'haja ussa betg quest plattafurma da marketing.
Cuntinuar cun ils projects
Peter Binz di dentant, ch’els veglian cuntinuar cun ils projects ch'hajan in connex direct ubain indirect cun il parc.
La Via Lucmagn saja in dals projects ch’il parc haja sustegnì. Per quest project veglia era il chantun s’engaschar. Auters projects che vessan probablamain profità dal parc èn la chascharia ed il nov Hotel Medelina. Quels vegnan averts cun l’entschatta dal 2017.
RR actualitad mezdi 11:00