Blers dals pestgaders cumenzan la stagiun da pestga mintg’onn en il medem lieu. In da quels lieus è il lai che vegn furmà dal rempar idraulic da la centrala idroelectrica a Tavanasa. Quest onn èn rodund 20 pestgaders sa rimnads a la riva dal lai per empruvar lur cletg. Pigliar in pesch è dentant mo ina part. Impurtant è era da puspè vesair collegas e da discussiunar sur da la passiun communabla - la pestga.
Midadas da la lescha da pestga
Sin l’onn da pestga 2015 hai era dà midadas vi da la lescha da pestgar. Ina gronda midada è ch’il pestgader dastga da nov star en il flum cura ch’el pestga. Enfin uss stueva el star a la riva dal flum. El dastgava mo ir en il flum per traversar il flum u per srentar il crutsch.
-
Bild 1 von 5. Il lai davos il rempar idraulic da la centrala idroelectrica a Tavanasa. Bildquelle: RTR, C. Albin.
-
Bild 2 von 5. Vesair e discussiunar cun collegas da pestga è era impurtant. Bildquelle: RTR, C. Albin.
-
Bild 3 von 5. Pestgar bunamain ord igl auto, in siemi da blers pestgaders. Bildquelle: RTR, C. Albin.
-
Bild 4 von 5. Pratic. Parcar gest sper la pertga e spetgar el en il sitg, enfin che il gentar morda en il crutsch. Bildquelle: RTR, C. Albin.
-
Bild 5 von 5. Ils emprims peschs èn pigliai. Bildquelle: RTR, C. Albin.
Nov examen da pestga a partir dal 2016
A partir dal proxim onn ston ils futurs pestgaders far in nov examen per survegnir la patenta da pestga. Enfin qua avevan ils candidats da respunder a 50 dumondas plitost simplas. Quasi tuts che reussivan a l’examen. Nov datti in catalog da 150 dumondas, che vala per l’entira Svizra. Per pestgaders dal Grischun vul quai dir ch’els ston era savair bler da peschs, ch’i na dat betg en il Grischun. L’examen daventa uschia pli grev ed ils candidats han d’emprender bler dapli.