Siglir tar il cuntegn

Header

audio
Bieraria Surselva – forsa las anteriuras gervosas da Flem puspè reactivadas
Or da Actualitad dals 20.12.2021.
abspielen. Laufzeit 3 minutas 51 Sekunden.
cuntegn

Surselva Bräu Da Flem a Mustér

Ussa daventa la bieraria «Surselva Bräu» vairamain Sursilvana. Suenter che la bieraria a Flem ha stuì serrar sias portas, datti uss ina nova emprova a Mustér.

Idea naschida en claustra

Igl onn 2017 ha Roger Berger l'econom da manaschi da Turitg passentà in temp da reflexiun en la claustra da Mustér. Là ha el intervegnì che la bieraria da Flem ha stuì serrar las portas. Quai ha fatschentà Berger.

Trais onns pli tard ha el constatà che la marca «Surselva Bräu» n'era betg pli registrada. Il possessur Beat Glaus n'aveva betg pli prolungà il dretg sin la marca. Sin quai ha Roger Berger dumandà Glaus sch'el possi registrar quella sin ses num. Uschia è el vegnì tar il num da la marca.

Il num Surselva è liant

Per Roger Berger è sta cler che la gervosa cun il num Surselva stoppia vegnir producida en la regiun. El ha chattà ina localitad che pudess daventar la nova «Surselva Bräu». Quella vegnia ad esser a Mustér.

Tenor sias calculaziuns dovria var in milliun francs per bajegiar da nov la «Surselva Bräu». El sez na saja dentant betg l'investider, el vesia sasez sulettamain sco manader da project. Las dimensiuns ch'el s'imagina:

  • Ina bugliera da 5 HL
  • Producziun annuala da 700 - 800 HL
  • In terz da l'anteriura producziun a Flem

Investir e manar la bieraria stoppian Sursilvanas e Sursilvans. Be cun passiun ed energia vegnia quai bun, di Berger. Il proxim pass per Roger Berger è da chattar las persunas ch'èn prontas da s’engaschar per la bieraria. In plan da termins n'ha el dentant betg. Berger manegia che l'idea gartegia be cun passiun e pazienza.

RTR actualitad 12:00

Artitgels legids il pli savens

Scrollar a sanestra Scrollar a dretga