-
Bild 1 von 6. Cornelia Aliesch dapi in onn presidenta da l'Uniun da persunal d'alp. Bildquelle: RTR, Linus Livers .
-
Bild 2 von 6. Ell'uniun da persunal d'alp èn il signun, il famegl ed il cautegia commembers. Bildquelle: RTR, Linus Livers .
-
Bild 3 von 6. La sentupada dal persunal d'alp a Val è era per pudair s'inscuntrar. Bildquelle: RTR, Linus Livers .
-
Bild 4 von 6. Nua ch'il persunal d'alp fa festa na pon las tibas betg mancar. Bildquelle: RTR, Linus Livers .
-
Bild 5 von 6. Nua ch'il persunal d'alp fa festa na pon las tibas betg mancar. Bildquelle: RTR, Linus Livers .
-
Bild 6 von 6. Malgrà il favugn che tira bravamain sgola la bandiera. Bildquelle: RTR, Linus LIvers .
La stad da quest onn saja stada curta, cun quai che la naiv saja vegnida baud. Dentant haja da differenzas regiunalas. En tscherts lieus haja dà ina buna stad, en autras regiuns ina stad normala. Ina mala stad n'haja dentant dà nagliur quest onn. Uschia Cornelia Aliesch, la nova presidenta da l'Uniun da persunal d'alp.
Uniun per tut il persunal d'alp
Cornelia Aliesch sa legra che l'anteriura uniun da signuns è daventada ina uniun per tut il persunal d'alp. Sco ella di, sajan da nov era ils chau tegias e tut tgi che haja interess vid las alps bainvegnids en quella uniun.
Quitads per luf ed urs
A la fin da la radunanza hajan ins dentant sentì ch'il persunal d'alp fetschia quitads pervia dal luf e l'urs che sa movan en il Grischun. Per las alps cun biestga, surtut cun vatgas mamma, datti betg la pussaivladad da pertgirar ils animals cun chauns da protecziun. Las vatgas mamma n'acceptian betg chauns da protecziun, uschia è stà d’udir a la radunanza a Val.
RR actualitad 11:00