Siglir tar il cuntegn

Header

Laax cun il lai davant.
Legenda: Per 5 uras e mez n'han ils da Laax gì nagin current electric. Keystone
cuntegn

Surselva Cabel defect chaschuna interrupziun da current electric

A Laax, Sagogn e Valendau è il current electric stà interrut la notg passada per fin 5 uras e mez.

In defect vi dad in cabel da tensiun media la notg passada a las 04:35 ha procurà per ina interrupziun dal current electric en las vischnancas da Laax, Sagogn e Valendau, scriva la Repower. En tut sajan stads pertutgads radund 1'500 chasadas.

En la vischnanca da Laax è il current stà interrut per radund 5,5 uras, en las vischnancas da Sagogn e Valendau era il defect reparà suenter radund 2 uras.

Gia ier era il current electric stà interrut per in ura en grondas parts da la Lumnezia.

RR novitads 12:00

Artitgels legids il pli savens

Scrollar a sanestra Scrollar a dretga