Siglir tar il cuntegn

Header

video
Il castur en la Foppa
Or da RTR dals 19.06.2017.
laschar ir. Durada: 1 minuta 16 Secundas.
cuntegn

Surselva Surselva: Castur en la Foppa

Suenter Trun hai ussa era in castur en la Foppa.

En svizra datti var 2'000 casturs, quai tenor il WWF svizzer. En il Grischun vegn stimà il dumber da casturs sin 15-20. Ils pli blers da quels vivan en la regiun dals Tschintg vitgs.

Era san ins ch’i dat en l’Engiadina Bassa casturs. Danovamain han ins era pudì fotografar in da quels l‘Engiadin’Ota.

Lura èsi enconuschent dapi il 2015 ch’i dat in en la Surselva a Trun. Il castur en la Foppa è vegnì filmà da Herbert Weishaupt in pestgader da Sagogn.

Sco quai che Gieri Derungs, il guardiaselvaschina da questa regiun ha ditg ad RTR saja quai stà enconuschent ch’il castur abiteschia en questa regiun.

Il pli probabel saja quai castur vegnì dal Rain siadora. Per regla sa tractia quai d’in mastgel, perquai che lez vegnian sco emprim e preparan in revier per fundar ina famiglia. Cun in secret ch’els dattan giu en l’aua carmalan els la finala las femellas.

Nua exact ch'el è vegnì filmà e nua ch’il castur ha sia tauna na lain nus betg tradir. Sco quai che Gieri Derungs di, saja quai meglier per il castur sch’el haja ses ruaus.

video
Casturs en Grischun – En futur pudessi dar enfin 100 tocs
Or da Telesguard dals 20.06.2017.
laschar ir. Durada: 2 minutas 29 Secundas.

RR actualitad 17:00

Artitgels legids il pli savens