-
Bild 1 von 6. Dapi in mez onn tutgan omaduas mesadads da la chasa a Prema Gross e Nicola Mercolli. Bildquelle: RTR, G. Hosang.
-
Bild 2 von 6. Prema Gross e Nicola Mercolli èn s'inamurads sin l'emprima egliada en la chasa a Cavardiras. Bildquelle: RTR, G. Hosang.
-
Bild 3 von 6. Prema Gross en ses tschaler da vin. Bildquelle: RTR, G. Hosang.
-
Bild 4 von 6. La butia da vin en la Chesa Prema. Bildquelle: RTR, G. Hosang.
-
Bild 5 von 6. Ina da las chombras è gia pli u main finida. Bildquelle: RTR, G. Hosang.
-
Bild 6 von 6. Quest daventa la stanza per il solver u per degustaziuns da vin. Bildquelle: RTR, G. Hosang.
Prema Gross e ses um Nicola Mercolli han cumprà avant trais onns a Cavardiras ina mesa chasa cun l’annexa da l’anteriura posta. Sco els dian sajan els stads inamurads sin l’emprima egliada cura ch’els hajan vis l’emprima giada la chasa. Avant in mez onn han els lura anc cumprà la segunda mesadad da la chasa. Uschia è l’idea naschida da far ord questa part quatter chombras e porscher Bad and Breakfast (B&B).
Prema Gross che vegn a manar suletta il manaschi è persvasa che quai funcziuna. Quatter chombras na saja betg uschè bler e la Chesa Prema vivia lura da propaganda da bucca tar bucca. Era Nicola Mercolli è persvas ch’i dettia blera glieud che tschertgia la quietezza e la pussaivladad da giudair.
Giudair duain era ils indigens. Tenor Prema Gross duess plitost ina degustaziun da vin carmalar lezs a Cavardiras. Prema Gross ha numnadamain ina collecziun da vins in pau exclusivs. Quels vegnan era vendids en la pitschna butia ch’ella ha fatg ord l’anteriura posta. Sche tut va tenor plan èn las chombras, la terrassa per il café e las localitads per far degustaziuns prontas sin l’atun.