Il stan da tir da Riein sa chatta gist sper il vitg da Riein. Suenter che l'entir stan ensemen cun ina pitschna ustaria è ars avant in onn, ha la societad da tir cumenzà a reconstruir il stan. Tenor Mario Maissen, il president da la societad da tir Riein-Sevgein, è la part dal stan nua ch’i vegn sajettà uss bunamain finida. La tecnica per mesirar ils sajets e las novas schibas èn installadas. Quai è il mument che l'uffizier da tir federal Jöri Kaufmann po controllar las installaziuns ed uschia prender giu il nov stan da tir a Riein.
Surselva Controlla dal nov stan da tir a Riein
Il stan da tir cun pitschna ustaria a Riein è ars giu cumplettamain avant in onn. Uss è el vegnì reconstruì uschè lunsch che l'uffizier da tir federal ha pudì dar liber il nov stan da tir.
RTR/al