Legenda:
Il grip da 200 meters duai vegnir siglientà ils 27 da matg.
RTR, C. Fliri
cuntegn
Surselva - Crappun datiers da Tavanasa periclitescha via e binaris
Sur la via chantunala en il vest da Tavanasa sto proximamain vegnir siglientà in crappun che periclitescha la segirezza da la via ed ils binaris da la Viafier retica.
Il grip da 200 meters cubic saja sa muventà questa primavaira ed ins stoppia quintar ch'el crodia, communitgescha l'uffizi per guaud e privels da la natira.
Per evitar quai hajan ins decis da far ina siglientada da segirezza ils 27 da matg. Fin lura vegn il territori surveglià permanentamain.
