-
Bild 1 von 5. Olga Walder expona per l'emprima giada en la Cuort Ligia Grischa. Bildquelle: RTR, C. Albin.
-
Bild 2 von 5. In maletg da Olga Walder. Bildquelle: RTR, C. Albin.
-
Bild 3 von 5. Las dunnas picturadas da Olga Walder èn savens dunnas da sia patria Belgrad. Bildquelle: RTR, C. Albin.
-
Bild 4 von 5. Per il pli mussan ils maletgs da Olga Walder dunnas tristas. Bildquelle: RTR, C. Albin.
-
Bild 5 von 5. Justina Simeon (san.) e Dora Candinas (dre.) da la Cuort Ligia Grischa cun Olga Walder en il center. Bildquelle: RTR, C. Albin.
Il 1977, cun 17 onns e mez, è Olga Walder vegnida da Belgrad a Trun per lavurar sco cusunza en la fabrica da ponn. Suenter 10 onns en la fabrica ha ella manà differentas ustarias en la regiun. Actual è quai il «Café Olga» a Trun, in pign café cun in per simplas chombras per giasts.
Mai emblidà sias ragischs
Dentant, era sche Olga Walder è gia dapi pli che 40 onns en Surselva, n'ha ella mai emblidà sias ragischs. E quai ves'ins er en ses maletgs che mussan savens persunas en vestgis tipics per la regiun da sia emprima patria Belgrad. Betg tut ils maletgs mussan persunas – sch'ella malegia dentant persunas èn quai adina dunnas.
Las ideas per ses maletgs survegn la pictura artista cunzunt durant sia lavur en il café, nua ch'ella haja mintgatant discussiuns interessantas e fitg persunalas cun giasts. Quai sajan er discussiuns sur da temas trists e perquai sajan las dunnas ch'ella malegia savens tristas.