Ils ultims onns ha la Andermatt-Sedrun SA investì 130 milliuns francs per realisar la colliaziun dals dus territoris da skis. Las cabinas da 10 che mainan dal pass Alpsu sin il Schneehühnerstock èn uss realisadas ed ellas duajan vegnir avertas sin la proxima stagiun d’enviern.
Fin che l’entir project ha la finala pudì vegnir realisà hai durà quasi 10 onns. E surtut las pretensiuns da las organisaziuns d’ambient han fatg fastidis als responsabels. Uschia han la finala 48 projects da detagl stuì vegnir elavurads e las lubientschas da la Confederaziun han plaz sin 1’300 paginas. Ma in dals success è che quai n’ha dà nagins recurs tar il Tribunal federal administrativ.
audio
Saira: La nova pendiculara Schneehühnerstock
04:47 min, ord Actualitad dals 04.10.2018.
laschar ir. Durada: 4 minutas 47 Secundas.
Ma ina da las sfidas era per il mainafatschenta da la Sedrun-Andermatt Sports Silvio Schmid è da coordinar il manaschi, ch’ha era stuì cuntinuar ils davos onns, ed l’entir project da construcziun gigantic.
1 / 10
Legenda:
Il Schneehüenerstock ei quasi da palpar davent da la staziun nova.
RTR, Gionduri Maissen
2 / 10
Legenda:
Il material sco palas e martels sto vegnir sgulà si.
RTR, Gionduri Maissen
3 / 10
Legenda:
Las maschinas grondas èn charrads sur las lingias d'aua e autras colliaziuns ch'han stuì vegnir fatgas.
RTR, Gionduri Maissen
4 / 10
Legenda:
Il mir duai proteger la staziun nova da lavinas.
RTR, Gionduri Maissen
5 / 10
Legenda:
Il tanc d'aua da baiver vegn installà, tut l'aua vegn pumpada si da Andermatt.
RTR, Gionduri Maissen
6 / 10
Legenda:
Ils lavurers èn anc en cumplaina acziun per vegnir a fin sin il december.
RTR, Gionduri Maissen
7 / 10
Legenda:
La vesta da la staziun al Schneehüenerstock giu sin la Val Ursera.
RTR, Gionduri Maissen
8 / 10
Legenda:
La staziun da la nova pendiculara da 10 persunas che vegn averta il december da quest onn.
RTR, Gionduri Maissen
9 / 10
Legenda:
La staziun da muntogna da la pendiculara da Sedrun sin il Cuolm da Vi. Avertura primavaira 2019.
RTR, Gionduri Maissen
10 / 10
Legenda:
La vista dal Cuolm da Vi sur la Surselva e quasi l'entir Grischun dal Nord.
RTR, Gionduri Maissen
Finamira è da ir cun skis da Mustér fin a Andermatt
Era la relaziun tranter las pendicularas da Mustér e da Sedrun/Andermatt saja sa megliurada ils ultims 5 onns. Uschia sajan ils dus possessurs Samih Sawiris e Marcus Weber dals tips anora sumegliants e uschia saja ina approximaziun stada pli simpla, di Schmid. Ma uss saja da realisar il pool da marketing communabel. Quel vegnia sin la proxima stagiun d'enviern e uschia ina purschida da las duas pendicularas che pudess avair in effect positiv sin tut ils acturs era sin quels che na sa participeschian il mument betg vida il pool, di Weber. El manegia qua Sedrun-Mustér Turissem che na vul betg far part al nov pool da marketing. Ma per Weber datti anc ulteriuras sfidas il proxim temp. La pendiculara nova sin il Cuolm da Vi vegn realisada sin la primavaira 2019 e per l'ustaria nova sin il Cuolm da Vi duai dar ina occurenza d'architectura ed l'ustaria duai propi esser ina purschida speziala cun ina vista dal pass Alpsu fin a Cuira.
