Per ina surbajegiada da 20 abitaziuns per attempads ha la vischnanca da Mustér dà il terren Sut Gliendas en dretg da bajagier. Quai malgrà ch'il cussegl da vischnanca da Tujetsch aveva inoltrà ina resoluziun al cussegl da Mustér da desister da talas abitaziuns e quai en favur da la residenza per attempads ch'è planisada a Sedrun.
La resoluziun da Tujetsch sa basa sin ina cunvegna tranter las trais vischnancas da Sursassiala e la fundaziun PUNTREIS che maina la chasa da tgira a Mustér.
