Dals 350 projects inoltrads ha ina giuria internaziunala elegì trais victurs. Ils bajetgs undrads derivan dal Bregenzerwald en Austria, da Valendau en il Grischun e da Comano Terme en Italia.
A Valendau vegnan undrads il «Türalihus» e l'ustaria dasperas «Gasthaus am Brunnen». Quels dus projects da renovar sajan fitg buns exempels sco revitalisar ils centers dals vitgs muntagnards, argumentescha la giuria. Il premi è vegnì surdà per la terza giada.
RR novitads 11:00