Ulteriuras infurmaziuns
Entant ch’ils mulins moderns lavuran cun zullas da metal en l’intern dals mulins uschia ch’ins na vesa nagut, èsi tar ils mulins vegls ch’i deva pli baud en prest mintga vitg gist il cuntrari.
Vesair ils craps sco els molan il graun
Ils emprendists possian ina giada vesair co la granezza vegn mulada tranter ils craps dal mulin fin ch’i dat farina, declera Hans Schmid, il responsabel per ils emprendists dal mulin Swissmill a Turitg. Uschia han ils set emprendists da la Swissmill fatg ina vista en il mulin da Morissen ed han mulà. La finala han els lura era prendi dapart il mulin, per vesair anc meglier co quel funcziuna e lura schubregià quel. Tenor Hans Schmid, saja quai era ina buna chaschun da preschentar il mastergn dal muliner. Quel saja ì in pau en emblidanza. En Svizra dettia quai mintga onn var 14 plazzas d’emprendissadi da muliners.
-
Bild 1 von 10. I vegn empruvà ora e discutà co tut funcziuna. Bildquelle: RTR, Gion Hosang.
-
Bild 2 von 10. Il spezialist da mulins vegls declera co ch’il mulin funcziuna. Bildquelle: RTR, Gion Hosang.
-
Bild 3 von 10. Ils emprendists taidlan tge ch’il spezialist da mulins vegls raquinta. Bildquelle: RTR, Gion Hosang.
-
Bild 4 von 10. Per ch’ils crap sura giaja bain dovri ina rullera che vegn gist declerada als emprendists. Bildquelle: RTR, Gion Hosang.
-
Bild 5 von 10. Il crap sura dal mulin paisa var 500 kilos. Bildquelle: RTR, Gion Hosang.
-
Bild 6 von 10. Quest crap po vegnir auzà da la vart cun ina construcziun speziala. Bildquelle: RTR, Gion Hosang.
-
Bild 7 von 10. Contemplar il crap dal mulin cun las crennas ch’i dovra per mular. Bildquelle: RTR, Gion Hosang.
-
Bild 8 von 10. Suenter il mular èsi era da schubregiar il mulin. Bildquelle: RTR, Gion Hosang.
-
Bild 9 von 10. Tut sto vegnir schubregià, era il cul nua che la farina vegn crivalda. Bildquelle: RTR, Gion Hosang.
-
Bild 10 von 10. Farina fa blera pulvra cura ch’igl è da schubregiar. Bildquelle: RTR, Gion Hosang.
Or da l'archiv
videos