Sonda passada è la cussegliera federala Eveline Widmer-Schlumpf stada tar la famiglia da Hans Luzi e Ruth Stucki a Turisch. Ella saja stada l’emprima giada là. Cun sia visita veglia ella appreziar la lavur ch’ils manaschis purils fetschian ed en spezial la famiglia Stucki che fetschia quai cun bler optimissem, entusiassem e products excellents. La finala na saja quai betg simpel da viver a Turisch sin 1260 meters sur mar. En quest aclaun ch’è ca. 5 km davent da Valendau vivan 11 persunas.