-
Bild 1 von 4Legenda: Martin Tomaschett che porta in da quests egliers per in dollar. RTR, Linus Livers
-
Bild 2 von 4Legenda: Questa chista è la basa per far ils egliers per in dollar. RTR, Linus Livers
-
Bild 3 von 4Legenda: Ina persuna cun rutina fa en 5 minutas in rom d'egliers cun quest cundriz. RTR, Linus Livers
-
Bild 4 von 4Legenda: Martin Tomaschett demonstrescha la funcziunalitad da la chista per far egliers. RTR, Linus Livers
Egliers che custan mo in dollar, quai è in'acziun internaziunala che ha entschet en Germania. Là ha numnadamain Martin Aufmuth in scolast da fisica, inventà in apparat per construir egliers fitg favuraivels per ils pajais dal terz mund.
Cun quest apparat, vegnan storsch ils roms per far ils egliers. Quai a moda fitg simpla, uschia che persunas indigenas dals pajais dal terz mund pon vegnir instruidas per far questa lavur.
Lions Club Origin dal Rain
A Martin Tomaschett il president Lions Origin dal Rain han las cifras da la WHO fatg impressiun e perquai ha el organisà questa acziun durant la Ex18.
La WHO l'Organisaziun mundiala da sanadad ha constatà che 158 milliuns carstgauns en il terz mund pateschan da curta vesida e 544 milliuns duvrassan egliers per leger.
Rimnar egliers vegls
Sin il stan da l'opticher Darms a la Ex18 vegn rimnà en connex cun l’acziun egliers per in Dollar, egliers vegls per il terz mund. Egliers sco mintgin ha forsa a chasa e na dovra betg pli, survegnan uschia ina nova funcziun.
RR Total local 11:45