Sch’ins saja en in bel lieu, lura hajan ins era l’inspiraziun per far insatge bel, di Urs Welti che fabritgescha cun ses cumpogn Ben Chick aissas da surf ord lain a Falera. Els en omadus passiunads surfists ed èn independent in da l’auter vegnids sin l’idea da fabritgar sez lur aissa.
Communablamain han els fundà la ENLAIN Factory a Falera. Cun empruvar ora hajan els lura perfecziunà lur metoda da far aissas da surf.
Far sia atgna aissa da surf
Perquai ch’i saja ina experientscha tut speziala da construir sez l’aissa, porschan els a Falera en la resgia veglia curs per in e mintgin. Aifer quatter dis vegnan ils participants da construir ina aissa da surf. Tenor Urs Welti na dovria quai naginas abilitads spezialas.
Els gidian là nua ch’i fetschia basegn e sustegnian ils participants, uschia che l’assa grategia era. Tscherts pass da lavur vegnan preparads u fatgs per ils participants.
Far sez in’aissa da surf e suenter star sez sin la mar cun questa, è in sentiment ch’ins na po betg descriver.
Betg mo aissas da surf
Viver dal far e vender aissas da surf na pon Ben Chick ed Urs Welti betg. Quai na saja era betg la finamira primara. I dat dentant gia plans per schlargiar la paletta da products. Uschia vegn actualmain empruvà ora co i va il meglier da producir skis e snowboards.
Sco Urs Welti di, duessi dar l’enviern proxim ils emprims curs per far ils agens skis ubain, l’agen snowboard.
-
Bild 1 von 20. A Falera en la resgia veglia vegn fabirtgà aissas da surf. Bildquelle: RTR, G. Hosang.
-
Bild 2 von 20. Sco emprim èsi da preparar il skelet per l’aissa. Bildquelle: mad.
-
Bild 3 von 20. L'aissa suten da l'aissa da surf vegn preparada. Bildquelle: mad.
-
Bild 4 von 20. Cun in indriz spezial vegn dà la furma a l'aissa ed il skelet ch'è culà lasura. Bildquelle: mad.
-
Bild 5 von 20. Cura il skelet è culà e fixà sin l'aissa èsi da laschar setgar la cola. Bildquelle: mad.
-
Bild 6 von 20. I dovra blers pass da lavur fin che l'aissa da surf è a fin. Bildquelle: mad.
-
Bild 7 von 20. I dovra blers pass da lavur fin che l’aissa da surf è finida. Bildquelle: mad.
-
Bild 8 von 20. I dovra blers pass da lavur fin che l’aissa da surf è finida. Bildquelle: mad.
-
Bild 9 von 20. Per che la colla possia tatgar, sto l'aissa vegnir pressegiada bain sin la construcziun interna. Bildquelle: RTR, G. Hosang.
-
Bild 10 von 20. Participants fabritgeschan aissas da surf. Bildquelle: RTR, G. Hosang.
-
Bild 11 von 20. L'intern d'ina aissa da surf. Bildquelle: RTR, G. Hosang.
-
Bild 12 von 20. Ben Chick è cuntent cun la lavur dal participant. Bildquelle: RTR, G. Hosang.
-
Bild 13 von 20. I dat bler da cular. Bildquelle: RTR, G. Hosang.
-
Bild 14 von 20. Cunzunt tar ils urs da l’aissa. La èsi da tatgar glista sin glista... Bildquelle: RTR; G. Hosang.
-
Bild 15 von 20. ... per cuntanscher la grossezza da l’aissa da surf. Bildquelle: RTR, G. Hosang.
-
Bild 16 von 20. Fabritgar ina aissa da surf vul dir lavurar exact. Bildquelle: RTR, G. Hosang.
-
Bild 17 von 20. Aissa da surf, producida a Falera. Bildquelle: RTR, G. Hosang.
-
Bild 18 von 20. Aissa da surf fatga ord in anteriur baun baselgia da Falera. Bildquelle: RTR, G. Hosang.
-
Bild 19 von 20. A Falera, lunsch davent da la mar, vegn fatg aissas da surf. Bildquelle: RTR, G. Hosang.
-
Bild 20 von 20. Las aissas da surf ord lain fan era ina buna figura sper la mar. Bildquelle: mad.