A Val Son Pieder èsi 14 samaritans ch'èn sa mess a disposiziun per far quest servetsch. Els èn dapi il december en funcziun. Sper 2 alarms d’emprova han els era gia gì in cas serius. Il manader dals samaritans da Val Son Pieder, Siegfried Berni, è losch che tut ha funcziunà bain durant quest cas serius.
Fin ussa datti en il Grischun mo a Trin ed a Lai ina organisaziun da First Responder. A Lai è quai ils pumpiers che fan, ed a Trin è quai ina gruppa da voluntaris che è responsabla per quest servetsch. En regiuns periferas che ston quintar cun lung temp da spetga en cas d’urgenza saja quai da promover talas organisaziuns sco ils First Responder, scriv al'Uffizi da sanadad dal Grischun.
RR Actualitad bunura 06:00