-
Bild 1 von 7. Fredy Studer e ses schumber. Bildquelle: Hubert Giger.
-
Bild 2 von 7. L'installaziun cun pals . Bildquelle: RTR, Hubert Giger.
-
Bild 3 von 7. Ursula Stalder e sia creaziun. Bildquelle: RTR, Hubert Giger.
-
Bild 4 von 7. L'installaziun da Ursula Stalder. Bildquelle: RTR, Hubert Giger.
-
Bild 5 von 7. Rument en la cuntrada alpina. Bildquelle: RTR, Hubert Giger.
-
Bild 6 von 7. Ina fotografia da Gaudenz Danuser. Bildquelle: RTR, Hubert Giger.
-
Bild 7 von 7. Danuser ha fotografà datiers ses objects. Bildquelle: RTR, Hubert Giger.
Uffants da Flem e Laax han rimnà il rument, tranter auter era pals per marcar las pistas, e cun quel han ils artists creà ina exposiziun. Il fotograf da Flem Gaudenz Danuser ha fotografà datiers il rument en la cuntrada alpina. Ursula Stalder ha creà ina ovra en furma da slalom cun il rument ed il battarist Fredy Studer s’avischina al tema cun ina battaria fatga da tocca da fier ed ina installaziun cun pals, skis e fists d’ir cun skis.
Na mussar cun il det sin auters
Fredy Studer, il battarist da Lucerna, n’è betg surprais ch’ins chatta rument en la cuntrada alpina. Surprais è el dentant ch’ins haja chattà tocca uschè buna ch’el haja pudì far cun quella in instrument.
Ursula Stalder, ella è era da Lucerna, ha collavurà cun Studer. Ella di ch’ils visitaders possian era empruvar da far tunar l’installaziun da pals. L’artista di ch’ella haja vulì inscenar il rument, perquai ch’ins audia adina puspè che quai saja in problem per exempel per las vatgas. Mo ella na veglia betg mussar cun il det sin auters. L’organisaziun Greenpeace possia bain far quai – ella saja dentant artista e lavuria gia dapi 27 onns cun rument.
RR actualitad 06:00