Maletgs dal plazzal Stenna Center
-
Bild 1 von 3. Dapi ils 16 da december 2017 è ina part da la chasa da parcar dal Stenna Center puspè averta. Bildquelle: RTR, C. Albin.
-
Bild 2 von 3. In'egliada sin il plazzal davos la fatschada dal Stenna Center. Bildquelle: RTR, C. Albin.
-
Bild 3 von 3. La veglia chasa da parcar è vegnida spazzada l'avrigl 2017, la nova chasa duai esser finida il settember 2018. Bildquelle: RTR, C. Albin.
Per realisar il project Stenna Center amez Flem è la veglia chasa da parcar en la val Stenna vegnida spazzada l'avrigl 2017. Las emprimas trais auzadas da la nova chasa da parcar han pudì vegnir avertas mez december 2017. Durant il temp senza chasa da parcar ha il patrun da construcziun stuì garantir almain 500 plazzas da parcar a Flem, ina pretensiun da la vischnanca e da las pendicularas Arena Alva. Perquai èn vegnids creads parcadis provisorics en vischnanca.
Naginas reclamaziuns da giasts
Tenor il chanzlist da Flem, Martin Kuratle, haja la schliaziun cun parcadis provisorics funcziunà bain. Reclamaziuns da giasts n'haja betg dà. Quai conferma era il responsabel per l'infrastructura da l'Arena Alva, Martin Hug. El è era cuntent, che las emprimas trais auzadas da la nova chasa da parcar en il Stenna Center sajan vegnidas avertas al public mez december, gist sin l'entschatta da la stagiun d'enviern 2017/18.
Parcadis provisorics anc betg schliads
Sco il maina project dal Stenna Center, Peter Heuscher, ha confermà a RTR, vegnan ils parcadis provisorics anc betg schliads, era sch'i dettia puspè 500 plazzas en la nova chasa da parcar. Cura che quai duai succeder stoppia el anc discutar cun la vischnanca. Il patrun da construcziun aveva paja l'endrizzament dals parcadis provisorics, la vischnanca da Flem ha incassà la taxa da parcar ed è stada responsabla per il mantegniment dals parcadis.
RR actualitad 08:00