-
Bild 1 von 3. La violina verda è daventada il simbol per ils concerts a Flem. Bildquelle: RTR, Linus Livers .
-
Bild 2 von 3. L'intendant Mathias Kleiböhmer organisescha 28 concerts en la retscha da Flimsfestival. Bildquelle: RTR, Linus Livers .
-
Bild 3 von 3. Per Flimsfestival ha Mathias Kleiböhmer organisà en 10 onns 193 concerts. Bildquelle: RTR, Linus Livers .
- La 10avla ediziun cun 28 concerts.
- In preventiv da 300’000 francs è planisà per questa retscha da concerts.
- Cun la 10avla ediziun datti en tut 221 concerts.
La 10avla ediziun da quest festival cuntegn 7 repetiziuns. Quai vul dir furmaziuns da musicistas e musicists ch'èn gia stadas a Flem turnan a Flem. Sco quai che l'intendant Mathias Kleiböhmer di, hajan els elegì il «Forellenquintett». Sco tar l'emprima ediziun gioga quel er questa giada en il Fidazerhof. Ina autra repetiziun è «Der Kontrabass» da Patrik Süsskind cun l'actur Helmut Thiele.
I dat era novs lieus che vegnan duvrads per l’emprima giada sco tribunas da concert. Uschia vegn «Eine Kleine Nachtmusik» da Mozart preschentadasin il tetg dal Hotel Schweizerhof. E durant la stgiradetgna da la glina ils 27 da fanadur 2018 è previs in concert en l'observatori Miraseilas a Falera. Ed era Valendau dat albiert ad in concert dal Flimsfestival.
Arists Grischuns
Ils «Fränzlis da Tschlin» èn era gia per la secunda giada a Flem al festival. Insumma ha Kleiböhmer fatg attent, che furmaziuns grischunas na dastgian mai mancar a Flem. Uschia èn era il «Chor da giuvenils grischun», la sopranista Nuria Richner (oriunda da Flem) e sa chapescha Josias Just da la partida. Quellas furmaziuns grischunas èn sa chapescha d’auta qualitad, sco tut quai che vegn mussà a Flem durant quest festival.
La retscha da concerts entschaiva da Pasca ed il davos concert è da Nadal. En tut datti 28 concerts, els vegna a cumplettar ils 193 concerts dals davos 10 onns. Per realisar questa retscha da concerts ha Mathias Kleiböhmer a disposiziun in preventiv da 300’000 francs.
RR actualitad 11:00