La cella sa chatta en la chaplutta da son Vetger (Victor) a Degen.
L’idea da bajegiar suenter l'entira cella da Frà Clau en la baselgia da son Vetger é stada in'idea da Peter Aregger, il plevon da la Lumnezia
Ils scolars da la segunda classa superiura da la Lumnezia han realisà quai project, cun sustegn da la plaiv.
La chaplutta da son Vetger a Degen è ina da 33 chapluttas en Lumnezia che na vegnan strusch duvradas. Per quella raschun ha Peter Aregger proponì a la plaiv da far quest project cun la segunda superiura da la Lumnezia. La cella originala a Flia è bajegiada vid la chaplutta, perencunter è la cella a Degen bajegiada en la chaplutta.
-
Bild 1 von 6. La cella da frà Clau montada en la chaplutta da son Vetger a Degen. Bildquelle: Scolara, Rosina Camenisch.
-
Bild 2 von 6. L’entrada da la cella da son Clau da Flia. Bildquelle: Scolara Rosina Camenisch.
-
Bild 3 von 6. Cun la cella da frà Clau en questa chaplutta datti era in zic Flüeli-Ranft en Lumnezia. Bildquelle: RTR, Linus Livers .
-
Bild 4 von 6. Ils scolars han colurà questa tabla, che vegn fermada vid la chaplutta. Bildquelle: Scolara, Rosina, Camenisch.
-
Bild 5 von 6. Ils scolars lavuran vi d'ina statuetta da frà Clau. Bildquelle: RTR, Linus Livers .
-
Bild 6 von 6. Ord la fanestra ves'ins l'altar, precis sco ord la cella originala. Bildquelle: RTR, Linus Livers .
Ina atgnadad da la cella originala e quella reconstruida a Degen è, che la fanestra mussas sin l'altar da la chaplutta.
Per far attents ils visitaders sin la chaplutta cun la cella da frà Clau han ils scolars designà la roda da son Clau da Flia e montà quai dissegn vid la paraid da la chaplutta. La roda da son Clau che mussa cun ils radis che van anen ed anora, munta ch'il carstgaun survegn adina enavos quai ch’el dat.
Cun la cella da frà Clau construida en la baselgia da son Vetger, quintan ils Lumnezians da spargnar ad inqual il viadi fin a Sursilvania – tenor il motto, ussa datti in zic Flüeli Ranft era en Lumnezia. La cella da frà Clau duai segir ina giada restar fin la fin da la stad sco attracziun per las festivitads da 600 onns frà Clau. Tut tenor tge success che quai vegn ad avair sappian ins era metter avant, da laschar quella cella pli ditg, ha Peter Aregger manegia.
RR actualitad 17:00