La firma ZIMA da Son Gagl che ha sviluppà il project dal nov Coop, é dapi l'onn 2011 stada a la tschertga d’in plaz ideal. Sco quai che Markus Hämmerle ha ditg, saja la zona da bajegiar Grüneck il plaz ideal per il Coop.
-
Bild 1 von 4. La zona da bajegiar Grüneck vala sco zona d’igl avegnir. Bildquelle: RTR, Linus Livers .
-
Bild 2 von 4. Il manader da la vendita dals Coops grischun Rolf Paco Gurtner. Bildquelle: RTR, Linus Livers .
-
Bild 3 von 4. Aurelio Casanova il president da la vischnanca da Glion: Grüneck ha potenzial. Bildquelle: RTR, Linus Livers .
-
Bild 4 von 4. La chasa Grüneck davos tir vegn spazzada. Bildquelle: RTR, Linus Livers .
La situaziun da traffic ch'è midada dal tuttafatg pervia dal sviament da Glion valitescha quest nov plaz sco plaz cun potenzial. La rundella nova a l’entschatta da Glion maina quasi l’entir traffic da la Surselva, Sursaissa e Lumnezia gist tar il nov bajetg dal Coop.
Velos e peduns
Perencunter vegn uschè spert che la via da colliaziun tranter la rundella nova ed il Coop nov è fatga, serrada la via veglia da Schnaus sin il tschancun Glion fin tar il Coop ed Aldi. Quest tschancun è suenter mo per ils velos ed il peduns.
Il Coop nov ha ina surfatscha da 2’000 meters quadrats per la vendita e 90 parcadis. Il bajetg custa 25 milliuns francs. La stad 2018 quintan els da pudair retrair las novas localitads.
Tge far cun il bajetg vegl?
Il bajetg vegl da l’autra vart dal Rain s'auda a la Coop Immobiglias, e sco quai che Rudolf Paco Gurtner, il manader da la vendita da tut ils Coop's en il Grischun ha ditg ad RTR na sappian ins anc betg tge che vegnia fatg cun quest bajetg. El ha laschà sentir ch'i savessi dar abitaziuns, dentant era pussaivel fiss in center da commerzi.
RR actualitad 17:00