-
Bild 1 von 7. Scenas sco tar ina festa populara, tranter ils participants. Bildquelle: RTR, Linus Livers .
-
Bild 2 von 7. Semtgà per la partenza. Bildquelle: RTR, Linus Livers .
-
Bild 3 von 7. A Panaduz avant la partenza vegn aunc lavurà. Bildquelle: RTR, Linus Livers .
-
Bild 4 von 7. La victoria dad ier a Soloturn gia en las chommas, sa metta Vital Albin a la partenza. Bildquelle: RTR, Linus Livers .
-
Bild 5 von 7. La gruppa da tschintg che ha dominà la cursa. Bildquelle: Hilda Livers .
-
Bild 6 von 7. Qua è Vital Albin anc be tschintgavel. Bildquelle: Hilda Livers .
-
Bild 7 von 7. Emprim gratulant per Vital Albin. Bildquelle: RTR, Linus Livers .
La tema d’accidents en la Ruinaulta era gronda. La via stretga e 166 ciclistas e ciclist che vulan gudagnar ina cursa – quai ha potenzial.
Mo tut è la finala gartegià bain, ed en l'arrivada enta Val fa la presidenta dal comité d’organisaziun, Judith Huonder in facit positiv. Ils cumpliments dals ciclists en nundumbraivels, la nova ruta persvada e sco il victur Vital Albin di, avra ella novas pussaivladads per tacticas che la ruta da Glion Val n'aveva betg.
Ventiraivla victoria per l'organisaziun
Da vart dal comité d’organisaziun è sta d’udir che quella nova ruta duai daventar fixa. Era la data, l’entschatta matg è per ils organisaturs la meglra schliaziun per evitar collisiuns da termins cun autras cursas.
Che l’emprima ediziun da la cursa Ruinaulta – Glion – Val fineschia cun la victoria da l'indigen Vital Albin, quai saja sco ieli sin las rodas, per far marschar l’organisaziun, manegia Marcus Derungs dal comité d’organisaziun.
RR actualitad 06:00