Sin il Lerchihof èn ins amez las preparativas pel brunch dal 1. D’avust. La stalla è pulida, las maisas per las sur 400 persunas èn era gia prontas. Mo la decoraziun ed il buffet mancan anc en la stalla.
E la gronda part da quai ch’i dat la sonda al buffet, ha la famiglia Lerchi fatg sezza. Dal paun cun paira enfin al jogurt e la confitura, tut è fatg sez.
Blers mauns gidan a preparar
Il brunch vegn organisà da la famiglia Lerchi, l’Uniun da musica Flem e la gruppa da gimnastica ils Saleps. Sustegn datti però era da la vischnanca da Flem.
E ussa, in di avant il brunch, ha cumenzà il spurt final. Las uniuns sco era la famiglia Lerchi èn vi da las ultimas lavurs. E lavur datti anc avunda.
Anfang Bildergalerie
Bildergalerie überspringen
-
Bild 1 von 11. Robyn e Coni Lerchi sco era Marcel Camenisch (dretg) s'allegran sin il brunch. Bildquelle: RTR, F. Caduff.
-
Bild 2 von 11. Ils organisaturs principals paran d’avair tut sut controlla. Bildquelle: RTR, F. Caduff.
-
Bild 3 von 11. La stalla è pulida e las maisas èn prontas. Però la gronda part da la decoraziun manca anc. Bildquelle: RTR, F. Caduff.
-
Bild 4 von 11. Però era sche las maisas èn gia prontas, datti anc bler da far ... Bildquelle: RTR, F. Caduff.
-
Bild 5 von 11. Las bandieras e las plumpas pendan gia ... Bildquelle: RTR, F. Caduff.
-
Bild 6 von 11. ... però il rest da la decoraziun manca anc. Bildquelle: RTR, F. Caduff.
-
Bild 7 von 11. Per il brunch vegnan spetgadas en tut 400 persunas. Bildquelle: RTR, F. Caduff.
-
Bild 8 von 11. Coni Lerchi procura per tut l'infrastructura che fa da basegn per il brunch. Bildquelle: RTR, F. Caduff.
-
Bild 9 von 11. Robyn Lerchi passanta uras en cuschina per il brunch. Bildquelle: RTR, F. Caduff.
-
Bild 10 von 11. Dal paun cun paira fin al jogurt e la confitura, tut fa Robyn Lerchi sezza. Bildquelle: RTR, F. Caduff.
-
Bild 11 von 11. Coni e Robyn Lerchi cun Marcel Camenisch (dretg) da l'Uniun da musica da Flem. Bildquelle: RTR, F. Caduff.
Ende der Bildergalerie
Zurück zum Anfang der Bildergalerie.