Il giuven chatschader da 20 onns Mathis Schnider da Glion ha sajettà ina chaura chamutsch alva. La chaura chamutsch era enconuschenta a blers chatschaders sursilvans. Sco igl è stà d'udir avessan era auters pudì sajettar quella chaura. Ma nagin ha vairamain gughegià da far quai fin ussa. La raschun è fitg simpla: Ils chamutschs alvs èn fitg rars ed i portia discletg da sajettar in tal. Il Museum da la natira Grischun ha uss confermà ch'els hajan cumprà l'animal e ch'els veglian en futur exponer il chamutsch alv.
-
Bild 1 von 2. Mathis Schnider, il giuven da 20 onns na crai betg ch'in chamutsch alv portia discletg. Bildquelle: mad.
-
Bild 2 von 2. 20 kilos e 11 onns aveva la chaura chamutsch alva. Bildquelle: mad.
La decisiun
Mathis Schnider n’aveva mai udì da quai – pir suenter ha el intervegnì ch’ì vegnia ditg che quai pudessi purtar discletg. El saja però betg superstizius, ha el ditg.
El enconuschevia questa chaura chamutsch gia dapi in pèr onns, ma avant ch’el haja sajettà la chaura haja el studegià in mument e la finala prendì la decisiun: «Uss u mai pli!»