dapli
Las davosas uras avant l’avertura da l’ILHGA 2016 èn las pli stressantas per ils expositurs. Drizzar en a fin il stan, tschitschapulvrar e preparar ils prospects tuts ch’han anc da far insatge. Ils ins èn quasi pronts, auters stans sumeglian anc in plazzal ni èn insumma anc deserts. Differents stils da planisaziun han per consequenza differents livels da hectica.
Preparativas sin buna via
Tenor il schef dal ressort infrastructura da l’ILGHA 2016, Corsin Coray, èn las preparativas per l’exposiziun da quest onn dentant sin buna via. Bain dettia anc dapertut pitschnas chaussas da reglar, dar in zic colur qua ni montar ina latta là, en general saja dentant tut sin buna via. Corsin Coray è persvas che tut è pront per l’avertura da l’ILGHA 2016.
RR actualitad 17:00