Per reducir il dumber da peschs en il lai da fermada Zervreila èn vegnidas instradadas differentas mesiras. Uschia ha l’Uffizi da chatscha e pestga decidì gia la stad passada da dar liber la pestga en il lai. I na dat betg pli limitas da grondezza u dal dumber da peschs ch'ins dastga pigliar per di.
Era na vegn betg pli mess en stadivas en il lai - fin il 2013 eran quai anc tranter 5’000 e 20’000 peschs per onn.
Pestga cun rait
Era las Ovras Electricas Zervreila (OEZ) hajan fatg emprovas da pestgar ils peschs cun raits, sco il maina project Hans-Peter Capatt raquinta. Experts stiman ch’i dettia 2 fin 3 tonnas peschs en il lai, litgivas e salmelins.
Fin avrigl u entschatta matg haja in pestgader professiunal piglià cun raits 200 kg peschs, bler pli pauc che quintà. Tenor il pestgader sajan ils peschs anc fitg ruassaivels e na sa movian betg. L'october u november 2017 vulan las OEZ perquai anc empruvar ina giada da pigliar peschs cun ina rait.
L'emprima emprova l'entschatta matg:
RR actualitad 12:00