Gallus Giger ha 70 onns e perquai sa el savens, co maschinas ubain apparats vegls funcziunan, per ex. fiers da resti, rodas da filar ubain mulins da metter grascha. En sia collecziun ha el era rauba che vegn d’ordaifer la Val Medel : mascras da tschaiver da Domat, in armonium ubain ina charrotscha da semnar graun. Ils exemplars ils pli custaivels èn ils quatter tractors (in datescha da 1948). Cun quels va el adina puspè a far viadis. Ils tractors ha el en la part suten dal bajetg, là nua che la stalla da vatgas era. Il museum era pli baud in clavà. Avant ca. 12 onns haja el cumenzà a rimnar rauba.