Tgi na ha betg sco uffant giugà cun Legos. Dentant ins na aveva mai avunda tocca per bajegiar quai ch'ins vuleva. Bunamain 30 uffants da 8 enfin 12 onns da la Surselva han savì realisar in siemi. Bajegiar ina entira citad cun Legos. Ina citad cun chasas, restaurants, hotels, plazza aviatica e schizunt ina baselgia.
1 tonna legos
Per bajegiar la citad è stada a disposiziun bunamain 1 tonna legos. La citad è vegnida bajegiada en ina stanza dal center da la plaiv evangelica libra a Glion sin pliras maisas stuschadas ensemen. Autras maisas repartidas en la stanza èn ils plazs da lavur. Ils tocs ch'ils uffants dovran per bajegiar las chasas èn repartids en chistas sin ils sems e sin maisas agl ur da la stanza.
Sco emprim ina chasa da retscha
Sco emprim sto mintga uffant bajegiar ina chasa da retscha da 4 auzadas. Tar quella è mo la furma dada. Ils detagls e la colur sa mintgin eleger tenor ses gust. Suenter san els eleger ina chasa pli gronda sco p.ex. in stadion da ballape.
-
Bild 1 von 5. L’hotel è prest finì. Bildquelle: RTR, C. Albin.
-
Bild 2 von 5. L’aviun è pront, la plazza aviatica manca anc. Bildquelle: RTR, C. Albin.
-
Bild 3 von 5. I dat anc bler sulom liber en la citad da legos. Bildquelle: RTR, C. Albin.
-
Bild 4 von 5. La citad da legos finida. Bildquelle: mad.
-
Bild 5 von 5. La citad da legos finida. Bildquelle: mad.