Ina destinaziun da turissem sto avair ozendi fitg differentas purschidas, di il directur da Sedrun Mustér Turissem, Hans-Kaspar Schwarzenbach. Quai è ina da las raschuns pertge ch’ins realisescha sin proxim enviern ina rait da sendas da 50 kilometers per pudair far turas cun gianellas. «Insanua sto ina destinaziun adina puspè preschentar insatge ch’è il pli grond, il meglier u il pli aut», declera Hans-Kaspar Schwarzenbach. Uschia possia Sedrun Mustér Turissem ussa far reclama cun ina da las pli grondas raits da sendas per far turas cun gianellas.
audio
Sedrun Mustér Turissem porscha da nov ina rait da sendas marcada per turas cun gianellas
ord RTR Audio dals 21.10.2015.
laschar ir. Durada: 2 minutas 34 Secundas.