Legenda:
Laax vul profitar anc meglier dals sigls ch’ils snowboardists fan a Crap Sogn Gion. (archiv 2015)
Keystone
cuntegn
Surselva - Investiziun en il Laax Open sa paja
Quest’emna sa mesiran ils megliers atlets da snowboard sin il Crap Sogn Gion en il territori da Laax a la concurrenza dal Laax Open. Enstagl dal sponsur d'enfin uss Burton procura Laax sez per l'organisaziun e finanziaziun.
Enfin uss aveva questa concurrenza il num Burton European Open. Il sponsur principal ed organisatur Burton n’è dentant betg pli da la partida. Uss va tut sut l’organisaziun e finanziaziun da Laax. E Laax investescha plirs milliuns francs.
Tenor l’expert da marketing Armin Spescha sa paja ina tala investiziun. L’event vegn emess en Svizra, e sin intschess internaziunal enfin la China. Sch’ins quintia enturn il temp d’emissiun sin temp da reclama en ils differents pajais che rapportan dal Laax Open, haja quai in’enorma valita economica, di Armin Spescha.
