-
Bild 1 von 3. Cun far rundas han ils commembers da l'uniun rimnà daners. Bildquelle: RTR, Carlo Albin.
-
Bild 2 von 3. Mintga runda vegn protocollada dals arbiters. Bildquelle: RTR, Carlo Albin.
-
Bild 3 von 3. Per pajar quella maschina da far glatsch ha l'uniun rimnà daners. Bildquelle: RTR, Carlo Albin.
Il program planisà dal comité d’organisaziun è stà vast e divertent. La gronda attracziun è dentant stà ina seria da gieus da sis equipas, equipas da las differentas uniuns da Trun.
Uschia hai dà equipas dal Club da ballape Trun/Rabius, dal Club da tennis Trun, da la Musica da Trun e da l’Uniun da giuventetgna da Trun. Dasperas hai anc dà in'equipa cun seniors dal Club da scursalets Trun ed in'equipa da prominents.
Questas gruppas han cumbattì en differents gieus per puncts ed onur. Uschia han els stuì trair rudellas, trair penaltis encunter il goli da l’uniun da scursalets ni era dar il gieu abcsrf3, il gieu da lignar pleds da SRF3.
La finala ha il Club da ballape gudagnà quai pitschen turnier, pli impurtant è dentant stà per ils giugadurs sco era per ils aspectaturs il divertiment durant ils differents gieus
-
Bild 1 von 6. L'equipa dals prominents (da san.): M. Candinas, D. Tomaschett, I. Wieland e G. Lindemann. Bildquelle: RTR, Carlo Albin.
-
Bild 2 von 6. Trair penaltis, ina da las disciplinas per las gruppas. Bildquelle: RTR, Carlo Albin.
-
Bild 3 von 6. L'equipa dal Club da ballape Trun/Rabius. Bildquelle: RTR, Carlo Albin.
-
Bild 4 von 6. Ils aspectaturs spetgan sin il proxim gieu. Bildquelle: RTR, Carlo Albin.
-
Bild 5 von 6. L'equipa dal Club da tennis Trun. Bildquelle: RTR, Carlo Albin.
-
Bild 6 von 6. L'equipa da la Musica da Trun. Bildquelle: RTR, Carlo Albin.
Dapli
Rimnar daners cun far rundas
Tranter ils gieus dals teams han commembers da l’uniun rimnà daners per pajar la nova maschina da far glatsch. Quai cun far rundas sponsuradas sin il glatsch.
Ils commembers, activs e passivs, han stuì tschertgar ordavant sponsurs che han pajà per runda fatga dal commember ina tscherta summa en la cassa dal club.
RR actualitad 07:00