Tenor il concept da staziunament 2013 eri previs che l'armada svizra serra il chantunament a Breil. Quella decisiun è vegnida spustada. Mo con ditg che l’armada stat dentant a Breil, decida il Cussegl federal alura; cura n'è betg anc cler. Ils motivs da mantegnair quest chantunament sajan:
- Ils sistems da defensiun cunter aviuns vegnan duvradas pli ditg.
- Il center da recrutaziun vegn spustà da Losanna a Payerne, e perquai ston ins dar alloschi ad intginas truppas en auters lieus - tranter auter era a Breil.
«Bun ch'il chantunament vegn duvrà»
Il president communal da Breil, Clau Schlosser è led che l’armada svizra stat pli ditg en vischnanca: «Per l’ina è il militar schon là dapi ils onns 1950 ed ils onns 90 han ins renovà ils stabiliments.» Per l’autra dettia quai avantatgs economics: surtut per las stizuns ed ustarias. El speria dentant ch’il chantunament vegnia nizzegiar dapli en l’avegnir.