La fin d’emna vargada èn grondas stentas gia vegnidas fatgas. L’areal vesa gia ora pulit sco in areal d'open air. Ma tuttina, era il davos di da preparaziun datti anc da far ina massa per tut ils involvai.
Mia lavur n'èsi betg da cumandar, però da coordinar.
Blers detagls èn anc da far
Il construct da l'open air è pinà. La tribuna e las tendas da festa stattan per gronda part. Uss èsi anc da far las lavurs da detagl, di il president da l'Open Air Lumnezia, Norbert Cavegn. Munta, bler lavur tecnica e plinavant saja er anc da pender ora tut las reclamas sin l’areal.
Uschia èsi il mument nua che 18'000 milli persunas vegnan bain baud a far festa.
Live da las preparativas per l'open air Lumnezia
Inqual novaziun datti per ils visitaders
L’onn passà avevi dà critica pertutgant las tualettas. I haja memia paucas e plinavant stoppian ins anc pajar 2 francs, era la critica per blers visitaders. «Quest onn èn las tualettas gratuitas», di Norbert Cavegn. Plinavant hajan els era auzà la quantitad da tualettas.
In’auter novum è ch’ins dastga quest onn mo vegnir cun trais liters bavronda sin l’areal – per persuna.I haja dà uschè bler rument da bavrondas l’onn passà, uschia ch’i sajan sa decis per quai, declera il president. Dentant hajan ins la pussaivladad da cumprar bavrondas pli favuraivlas en in kiosk sin l’areal da l'open air.
RTR accumpogna oz il president Norbert Cavegn e ses team durant las davosas preparativas. E guarda sche tut è pinà per ils var 18'000 visitaders che vegnan spetgads.
-
Bild 1 von 7. L'areal da l'open air Lumnezia guarda per il mument anc or sco in plazzal. Bildquelle: RTR, Fabia Caduff.
-
Bild 2 von 7. Per ils radund 400 voluntaris datti anc avunda lavur fin tar il start da l’open air damaun. Bildquelle: RTR, Fabia Caduff.
-
Bild 3 von 7. Uss na datti anc betg colonnas per ir sin tualetta. Dentant cun var 18'000 visitaders da l'open air ston ins avair tut tenor pazienza... Bildquelle: RTR, Fabia Caduff.
-
Bild 4 von 7. Anc è il prà vid - damaun plain tendas. Ils organisaturs fan quint cun var 2’000 tendas. Bildquelle: RTR, Fabia Caduff.
-
Bild 5 von 7. Noss redactur Gian Carlo Candinas amez en, rapporta da quai che sto anc vegnir fatg. Bildquelle: RTR, Fabia Caduff.
-
Bild 6 von 7. Era la saira las 17 esi anc avunda da far fin damaun. Bildquelle: RTR, Gian Carlo Candinas.
-
Bild 7 von 7. Da dalunsch para l'areal da l'open air Lumnezia ina pitschna vischnanca. Bildquelle: RTR, Fabia Caduff.
RR actualitad 11:00 +