La pitga da crap «La Guila», in bloc da granit che la chava da crappa Truffer SA a Val aveva regalà il december 2012 a la citad da Glion, stat da nov en la rundella Runcaleida, la nova rundella sur Glion che sparta la via en direcziun Sursaissa, Lumnezia e Val. Pervia dal nov sviament da Glion ha la rundella stuì vegnir messa en in auter lieu ed perquai aveva il parlament da Glion decidì il matg 2016 da plazzar la pitga en la nova rundella Runcaleida.
Il bloc en furma d’in obelisc è ca. 9 meters aut, il pe mesira ca. 1,30 m x 1,40 m, ed el paisa ca. 9 tonnas. Las proximas emnas vegn anc il rest da la rundella arranschà, uschia ch'ella duai esser finida il december.
-
Bild 1 von 5. «La Guila» è pronta per il transport da l'autra vart dal Rain. Bildquelle: RTR, Carlo Albin.
-
Bild 2 von 5. Il vegl fundament ha stuì vegnir destruì cumplettamain per dischlocar «La Guila». Bildquelle: RTR, Carlo Albin.
-
Bild 3 von 5. Cun ina crana mobila è il bloc da granit vegnì plazzà en il nov fundament. Bildquelle: RTR, Carlo Albin.
-
Bild 4 von 5. Drizzar l'obelisc ch'el stat vertical è stà ina sfida. Bildquelle: RTR, Carlo Albin.
-
Bild 5 von 5. Visualisaziun: Uschia duai la rundella vesair ora cu tut las lavurs èn finidas. Bildquelle: curschellas+gasser.
L'obelisc na stat dentant betg en il center da la rundella. Tenor la planisadra, l'architecta Caroline Gasser, duai la rundella esser in charta stilisada da la vischnanca da Glion. Vis da surengiu sajan visiblas las differentas vals enturn Glion e «La Guila» stettia simbolicamain per la citad da Glion.