Ella deploreschia che la populaziun voteschia gia dumengia proxima, sche la vischnanca duai surpigliar la punt veglia e contribuir ina summa per il mantegniment. Quai scriva la Protecziun da la patria en ina communicaziun.
Il mument vegnia elavurà in'analisa, che saja la basa per calcular ils custs da mantegniment. Las cifras che curseschian actualmain, na sajan betg vardaivlas, scriva l’organisaziun.
La punt veglia da Tavanasa è en in stan nausch, ed il mument vegn construida ina nova punt dasperas.
RR Novitads 10:00