Grazia a lavur da notg ed a chanuns da naiv è la mesapipa pronta per la concurrenza. L'Arena Alva ha preparà in percurs da slopestyle cun sigls enorms e dasperas natiralmain la pli gronda mesapipa permanenta dal mund.
Ils ultims dis han Roger Heid e ses team dal parc da snowboard a Laax stuì lavurar fitg - per part di e notg. En tut han els duvrà var 80'000 cubics naiv artifiziala per furmar la mesapipa ed ils sigls per il percurs da slopestyle.
Il «Laax Open» cumenza glindesdi, ils 18 da schaner e dura enfin sonda. RTR è live da la partida e rapporta en il radio e sin rtr.ch.