-
Bild 1 von 3. La valerusas Lumnezianas dastgan star en baselgia da maun dretg. Bildquelle: RTR, Linus Livers .
-
Bild 2 von 3. La porta da Porclas è ina part da l'istorgia da la Lumnezia. Bildquelle: RTR, Linus Livers .
-
Bild 3 von 3. Il gieu da Porclas l’onn 1952 en il Curtgin Risch a Vella. Bildquelle: Collecziun Hans Cadetg, sin nossaistorgia.ch.
Davos l'idea dal gieu en il liber, il «spitachel 2021», stat la fundaziun da cultura Lumnezia. Ella ha incumbensà il teatrist Lumnezian Roman Weishaupt d'elavurar ina idea. Per realisar l'onn 2021 il toc en il liber datti uss trais pitgas da sustegn: La vischnanca Lumnezia, la fundaziun da cultura Lumnezia e da l'uniun da teater Cuschnaus.
Il gieu en il liber – in project en svilup
La preschentaziun da l'idea e vegnida fatga durant la fiera da Bumaun a Degen. Anc è il gieu en il liber pir en il stadi da project e perquai è ina pagina en la rait il pli concret ch'i dat enfin uss: Sin quella pagina po s'inscriver tgi che ha interess per il project.
Las Valerusas
Ch'il project stat pir al cumenzament mussa er, ch'il toc n'è betg anc scrit: Perquai èsi er pussibel da purtar atgnas ideas che vegnan la fin finala integradas en il spectacul.
L'iniziant Roman Weishaupt veglia raquintar l'istorgia da la Lumnezia ord vista odierna mistica ed istorica, ha el raquintà. Sch'il toc è avant maun vegnia lura er decis, nua ch'il gieu en il liber duai avair lieu l'onn 2021.
L'urari per la naschientscha dal gieu en il liber
- Primavaira 2019 – gruppa preparatorica
- Atun 2019 – comité d'organisaziun
- Primavaira 2020 – decisiuns artisticas
- Atun 2020 – emprimas emprovas
- Primavaira 2021 – segund bloc d'emprovas
- Stad 2021 – producziuns
RR actualitad 12:00