I saja il meglier da far quai mintgamai la primavaira, suenter che la naiv saja luada e la grippa vegnia lucca, di Mario Columberg che è responsabel per las lavurs. Ils guids da muntogna taglian ora surtut chaglias, mo fan era rudlar giuadora crappa ni grippa libra. La finamira è da tegnair libra la via e da proteger uschè ils automobilists.
Il guid da muntogna Otti Flepp di che quai saja ina lavur stentusa, perquai ch’ins stoppia sa concentrar. Ils guids da muntogna lavuran cun forschs grondas e resgias a motor. El di ch’i dettia adina dapli lavur, surtut era pervia da la schelira permanenta.