-
Bild 1 von 7. Davent da la cruschada Via Sursilvana e Via Lucmagn... Bildquelle: RTR, G. Hosang.
-
Bild 2 von 7. ... fin avant la Casa Cumin datti blers locals ch'èn vits. Sanester era ina giada ina stizun portugaisa. Bildquelle: RTR, G. Hosang.
-
Bild 3 von 7. La stizun Nani-Bazar è dapi intgins mais serrada. Sanester da quella era ina giada la banca UBS. Bildquelle: RTR, G. Hosang.
-
Bild 4 von 7. Questa boutique vegn serrada. Bildquelle: RTR, G. Hosang.
-
Bild 5 von 7. Pli baud la posta, pli tard ina bar, lura ils locals d'in terapeut ed ussa vit. Bildquelle: RTR, G. Hosang.
-
Bild 6 von 7. Gia daditg vit. Las localitads da l'anteriura discoteca Postigliun. Ellas èn era gia daditg venalas. Bildquelle: RTR, G. Hosang.
-
Bild 7 von 7. Era quest local vit en la chasa Postigliun è venal. Bildquelle: RTR, G. Hosang.
Quest tema n’è anc betg stà uffizial sin glista da tractanda da la suprastanza communala. Ma sco il suprastant Iso Mazzetta di, haja quai dentant tuttina procurà per in u l’auter discurs tranter ils suprastants. La vischnanca possia be procurar per cundiziuns da rom adattadas. «Nus na pudain gea betg cumprar localitads, metter en stizuns e guardar che quellas marschian», manegia Iso Mazzetta.
Quai che fiss pussaivel sajan dentant midadas da la lescha. Per exempel schluccar la pretensiun ch’i dovria parcadis u guardar ch’i na dattia betg zonas ordaifer il vitg nua ch’ins po bajegiar gronds centers da cumpra. Perquai è era gia vegnì mess en la lescha da bajegiar tar l’ultima revisiun la clausula, ch’ils locals en il plaunterren en il center dal vitg sper via chantunala duain vegnir duvrads per intents artisanals e commerzials.
Sustegnair fatschentas indigenas
Era ils abitants da Mustér stoppian far ponderaziuns nua ch’i fetschian cumissiun e quant ch’els sustegnian il commerzi indigen. La consequenza da cumprar tut en l’internet ed en ils centers saja che las stizuns ed il commerzi indigen na survivia betg ed i dettia anc dapli locals vids, di Iso Mazzetta.
Vischnanca ha tut tenor interess
I dat differents locals ch’èn scrits ora per vender. Era la vischnanca ha tut tenor in egl sin quests locals. Uschia per exempel vi da l’anteriur local dal Nani Bazar nua ch’i dess tut tenor ina soluziun per il peduns, damai ch’i n’ha là nagin passape. Ma quai saja sulet ina idea. I na dettia anc nagut concret e prioritad hajan interessents privats, di Iso Mazzetta.