Siglir tar il cuntegn
Ina part dal bajetg da la chasa da tgira da Glion.
Legenda: Igl è meglier da betg visitar ils cussedents per betg derasar anc pli fitg il Norovirus. RTR, Gion Hosang

Surselva Norovirus en la chasa da tgira a Glion

Bun in quart dals cussadents èn contaminads cun la malsogna dal magun e da la beglia.

  • 25 da 90 cussadents èn pertutgads.
  • Il dumber d'infecziuns tschessa actualmain.
  • Ina stricta igiena gida d'evitar la derasaziun dal virus.

Norovirus

Avrir la box Serrar la box

Il Norovirus chaschuna disturbis dal magun e da la beglia. Persunas infectadas ston render ed han fin trais dis diarrea.

Il Norovirius è fitg contagius e perquai hajan els stuì prender mesiras extraordinarias per proteger ils cussadents da la chasa da tgira a Glion, di Hanspeter Calörtscher il manader da la chasa da tgira Glion.

Las mesiras pertutgan surtut la igiena. Uschia stoppian era las visitas purtar ina protecziun da la bucca e guants. Cun quellas mesiras hajan els sut controlla la situaziun e dapi la sonda haja mo dà paucs novs cas. Era saja reussì da tegnair sut controlla la malsogna, uschia ch'ella na saja betg sa derasada en l'entira chasa.

Norovirus– gia il 2007 in problem

Sco quai che Calörtscher di, hajan els gia il 2007 gì da cumbatter cun il Norovirus en la chasa da tgira a Glion. Sco quai che Martin Mani, il medi chantunal, di haja el enconuschientscha da l’infecziun en la chasa da tgira a Glion. E per il mument n'haja el betg enconuschientscha d'auters cas en Grischun. Il Norovirus na sto dentant betg vegnir annunzià.

RR novitads 12:00

Artitgels legids il pli savens